عرس عرابجه رهييب لا يفوتكم...

نهر الامل · 08-26-2008 [ 03:34 AM ]

في أحد فيكم قد حضر عرس عرابجة 00 تعالوا نشووف دحيم المصرقع وش سواا
المواصفات :
الاسم / دحيم الدلخ
العمر / منولد في سنة الطفره
الشكل / قزم ودب واقرع و وجهه كله خدود ومافيه عيون
باختصار يحوم الكبد
الولد دحيم داشر 24 سااعه مشاكل وتفحيط وخرابيط
المهم ابوه قرر انه يزوجه يمكن يعقل الولد

ويقوم يخطب له ابوه بنت عمه حصه

عاد حصه خبله مثله
المهم يوم جاء العرس ولا دحيم طالع مع اخوياه لثمامه يطعسون وابوه يدق عليه
الاب: الووو دحيم وينك؟
دحيم : هلا والله طالع مع الشباب لثمامه
الاب: جعل تطلع روحك بلا تعال اليوم عرسك

دحيم : طيب العرس في اليل يمديني ارجع المغرب
الاب: اقول امش جعلي امشي العصى على ظهرك
دحيم : طيب خلاص جاي
ويقفل التلفون
المهم ويجي دحيم ويلبسونه الخبل ناوي يروح بقميص نوم
المهم ويمسكونه اخوانه ويلبسونه ويودونه للقصر
>> دحيم الى هالحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت
ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي ( والله منسم مررره)
ويلقطه اخوه ويجلسه على الكرسي
ويجونه الناس يسلمون
المعازيم : مبرووك منك المال ومنها العيال
دحيم : هلا ايه طيب يكون خير والله ما عندي ولا فلس
قايل لكم موب وجه زواج)
المهم ويدخلونه على الحريم 00 يوم دخل 00 وهو الي يفتح كشرته ( ابتسامه عريضه)
ويناظر في ذا البنيات
المهم يوم طقو الطقاقات الا وهو يطمر ويرقص سامري
ويسحبه ابوه ويقول اركد لا تفشلنا

المهم ويجلسه على الكرسي
وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه
وانواع الاستهبال المشكله الي ترقص امه مسكينه تبي تفرح به ما درت انه ما يستاهل
المهم ويقومون البنيات يرقصون عنده وهو يناظر يقول عاشوا والله عاشوا
الا وابوه يصفقه على جبهته
دحيم :طيب خلاص ابنطم
المهم يوم خلصوا وهو ياخذ العروس ويركبون السياره
المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟
ملينا من ذا الطقاقات ازعجوني
الا وهو ينبسط على حرمته خبله مثله
المهم وتقول له 00 حصيصه : دحيم ابسالك سؤال؟ دحيم: اسالي
حصيصه : انت الحين تعرف تفحط ؟؟؟
دحيم : اكيد انا احسن واحد يفحط ( مسوي فنان عندها وهو ما عنده ما عند جدتي)
حصيصه : والله ورني ابي اشوفك تفحط 00 دحيم ( توهق)
دحيم : خليها بعدين موب اليوم ( يبي يصرف)
حصيصه : افا شكلك ما تعرف هههههههههههاي <<قااضيه ذي مثله
دحيم : اوريك من الي ما يعرف 00
وهو الي يلف هذيك الفه وطراااااخ في الماصوره على طول
والحين حصيصه ودحيم في الشميسي الدور الاول غرفه 212 ,,
ادعولهم بالشفاء العاجل
ههههههههههههههه
عساها اعجبتكم

امير الغرام · 08-26-2008 [ 05:43 AM ]

دحيم ها

هههههههههههههههههههاي الله يرجك نهر

لا تحرمينا من المواضيع الحلوه هذي

ثانكس على الموضوع

نهر الامل · 08-26-2008 [ 06:00 AM ]

العفو اخوي وس نسوي ها العرابجه هم الي مزينين الدنيا بهبالهم..
ههههههههههههه

حتى فرحتي دمعه · 08-30-2008 [ 03:50 PM ]

هههههههههههههههههههههههههه

نهوره اتحفينا بمواضيعك وصرقعتك

بنوتة بومتعب · 08-31-2008 [ 01:07 AM ]

ههههههههههههههههههههههههههههههههههههههههههههه
احلى عرس شفته لانو فيه تفحييييييييييييييييط
مشكوره على الموضوع الحلو
تحياتي /
بنوتة بو متعب واللي يتحداها يتعب

نهر الامل · 09-01-2008 [ 07:30 AM ]

فديت بنت بو متعب انا مشكورة على المرور..(وانا ترى بنت ابو متعب )
ومشكورة حتى فرحتى دمعه على المرور...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة هندي يشتغل عند بدوية وحبها ( لا يفوتكم )....	اجمل لقاء	ملاذ الأرواح	10	04-22-2008 01:52 AM
أغذية سحريةلزيادة ذكاء الطفل00لا يفوتكم	sun22	الحياة الزوجية	0	01-28-2008 06:25 AM
إختبار اخر موديل لا يفوتكم	ميشيل	ملاذ الأرواح	6	04-03-2007 11:37 AM

الذين يشاهدون محتوى الموضوع الآن : 1 ( الأعضاء 0 والزوار 1)